O MISTERIO DE PORTOMARIN de Antía Yáñez Rodríguez

O misterio de Portamarín é o primeiro libro de Antía Yáñez Rodríguez, que publicou con só 25 anos. Escribiu esta súa primeira novela pensando nas cousas que lle faltaron por ler cando era cativa.

Aqueles irmáns pensaban que o verán ía ser igual de monótono e gris que sempre. Mais por unha serie de casualidades van ter que investigar un misterio que todos coidaban esquecido… como a vila que descansa debaixo das augas do encoro. Durante séculos aquela vila anegada tivo os seus (terribles) segredos ben gardados. Mais agora van saír á luz.

PREGUNTA: A QUE HORA PUXERON O ESPERTADOR PARA IR DE NOITE Á CASA DO CURA?

VEN BUSCALO Á BIBLIOTECA !

O SOL DO VERÁN de Carlos Casares

Carlos Casares Mouriño (19412002), foi escritor en lingua galega, crítico literario e político. Estudou en Santiago de Compostela, cidade na que entrou en contacto con representantes do galeguismo, como Ramón Piñeiro. Foi director da editorial Galaxia e da revista Grial. Cultivou sobre todo a narrativa. Nos anos sesenta publicou o libro de relatos Vento ferido e Cambio en tres. En 1975 aparece Xoguetes pra un tempo prohibido. Viñeron logo o libro de relatos Os escuros soños de Clío e as novelas Ilustrísima, Os mortos daquel verán, Deus sentado nun sillón azul e O sol do verán. É de destacar, tamén, o traballo como columnista, principalmente en La Voz de Galicia entre 1992 e 1998, recollido en sete volumes publicados por Galaxia de 2005 a 2008, titulados Á marxe. No ano 2017 dedícaselle o Día das Letras Galegas.

O suicidio de Carlos desata as lembranzas de Helena, que evoca os veráns compartidos da nenez, á vez que indaga nos motivos desa acción brutal e sorprendente. Unha historia de amor e morte; tamén, canto melancólico á beleza, á xuventude e á plenitude da vida; a enorme riqueza de O sol do verán reside no poder evocador das lembranzas e na capacidade do autor para compartilas.

PREGUNTA: EN QUE SITIO O CRIADO ANSELMO DICÍA QUE UN DÍA DE CHUVIA, DESPOIS DUN TRONO TERRIBLE, CAERA DO CEO UN HOME ESPIDO, CANDO EL ERA NENO?

VEN BUSCALO Á BIBLIOTECA !

LA NOCHE MAS OSCURA de Ana Alcolea

Ana Alcolea Serrano, (Zaragoza,1962) é licenciada en Filoloxía Hispánica e diplomada en Filoloxía Inglesa. Desde 1986, é profesora de Lengua y Literatura nun instituto. Pasa longas tempadas en Noruega. Gústalle viaxar e sempre o fai cun caderno no que toma notas que despois recrea nas súas novelas. Encántalle coñecer outras culturas e outras linguas. Pronuncia frecuentes charlas en colexios e institutos, e publica artigos didácticos sobre teatro e sobre lingua e literatura. En 2009 aparece a súa primeira novela para adultos, Bajo el león de San Marcos. Publicou varias novelas xuvenís e dous libros infantís.  La noche más oscura  obtivo o VIII Premio Anaya de Literatura Infantil e Xuvenil, o White Ravens 2012 e o Premio CCEI 2012. En 2016, Ana Alcolea foi galardoada co Premio Cervantes Chico.

A Valeria este ano esperana unhas vacacións moi especiais, oa menos iso é o que di súa nai, unha auténtica especialista en buscar lugares orixinais para desconectar da rotina. Un lugar solitario e peculiar no norte de Noruega será o elixido, e alí o presente mesturarase co pasado nos soños de Valeria.
Unha historia ocorrida durante a ocupación nazi no país, un faro no medio do mar e os ollos de Valeria, como nexo. 

PREGUNTA: QUE LLE LEVOU MERCEDES A LARS PARA O SEU ANIVERSARIO?

VEN BUSCALO Á BIBLIOTECA !

CANTAN LOS GALLOS de Marisol Ortíz de Zárate

Marisol Ortiz de Zárate Mangas (Vitoria 1960) é coñecida polos seus contos e novelas de xénero histórico. Obtivo diversos Premios por varios dos seus relatos, como o Víctor Chamorro ou o María Giralt. Publicou Los enigmas de Leonardo, La cruz bajo la lengua, La canción de Shao Li, Cantan los gallos e Una historia perdida, coa que gañou o Premio Felipe Trigo.

Catro personaxes percorren a pé os camiños da España gloriosa e en plena expansión de 1539 que, porén, os rexeita porque os catro foxen de algo: unha muller que escapa do seu pasado; unha nena que deixa atrás a infancia; un negro marcado pola súa condición de albino; un mozo estrafalario en busca do amor… As súas historias ocultas descubriranse ao fío das aventuras —alegres unhas, dolorosas outras, trepidantes todas— que marcan a fuxida. Pero igual ca nun labirinto de espellos, o que se ve non sempre é real e as situacións resólvense de maneira distinta a como se espera.

PREGUNTA: CALES SON OS OUTROS NOMES DE “LA NENA”

VEN BUSCALO Á BIBLIOTECA !

TODO ISTO CHE DAREI de Dolores Redondo

Dolores Redondo (Donostia-San Sebastián, 1969) escribe desde os catorce anos. É a autora da Triloxía do Baztán: O gardián invisible, Legado nos ósos e Ofrenda á tormenta coa que vendeu máis de 700.000 copias e que foi traducida a máis de 15 idiomas. O produtor alemán Peter Nadermann, responsable das películas da Saga Millennium de Stieg Larsson, adquiriu os dereitos para a súa adaptación ao cine. Con Todo isto che darei obtivo o Premio Planeta 2016, presentado a concurso baixo o seudónimo de Jim Hawkins e co título falso de Sol de Tebas.

Álvaro sofre un accidente na Ribeira Sacra que rematará coa súa vida. Cando Manuel, o seu home, chega a Galicia, descobre que a investigación sobre o caso se pechou con demasiada rapidez. O rexeitamento da súa poderosa familia política, os Muñiz de Dávila, lévao a fuxir, mais reteno a alegación contra a impunidade que Nogueira, un garda civil xubilado, dirixe á familia de Álvaro e a sospeita de que esa non é a primeira morte da súa contorna que se enmascarou como accidental. Lucas, un crego amigo da infancia de Álvaro, únese a Manuel e a Nogueira na reconstrución da vida secreta de quen crían coñecer ben. Empezará así a procura da verdade, nun lugar de fortes crenzas e arraigados costumes no que a lóxica nunca termina de atar todos os cabos.

PREGUNTA: QUÉ ENFERMIDADE TIVO SANTIAGO ÓS 16 ANOS?

VEN BUSCALO Á BIBLIOTECA!!!

TODO O TEMPO DO MUNDO de David Pérez Iglesias

David Pérez Iglesias (Ames, 1962) é escritor, guionista e profesor de lingua e literatura no IES de Porto do Son. Como narrador publicou os libros O pergameo de Elir (1987); Estación Término (1993), premio de relato Cidade de Lugo; e Cando veña a noite (2005), premio Antón Avilés de Taramancos. Algúns dos seus relatos forman parte de obras colectivas como «Samago, Fascismo» de Tecendo Panos (2000), premio Manuel Murguía de narracións breves; «Mares do Sur» de Paisaxes e palabras (2001) e «Vidros» de A garza insomne (2016). Coordina o proxecto “Son cine” de introdución do audiovisual na escola, traballo de innovación educativa polo que foi premiado pola Consellaría de Educación e a ASPG. Con Todo o tempo do mundo obtivo o Premio Merlín de Literatura Infantil 2016.

Ariadna lembra aqueles vinte días felices que pasaron entre a mañá en que chegou á aldea na furgoneta dos panadeiros e a mañá en que Valente, o seu avó, a deixou no aeroporto, camiño de Canadá, onde emigraron os seus pais despois de ser despedidos do traballo. Días inesquecibles de verán nos que esta rapaza de case doce anos aprendeu na casa da Albariza o nome de cada unha das árbores e a identificar o son do río e da fervenza, do merlo e do paspallás.

PREGUNTA: CANTOS ANOS TIÑA O PAI DE ARIADNA CANDO ESCRIBEU O SEU NOME NAS PEDRAS DO VALO DO ADRO QUE ARRODEA A IGREXA?

VEN BUSCALO Á BIBLIOTECA!!!

 

LA LEYENDA DEL SEGUNDO FÉRETRO de José María Latorre

leyenda

José María Latorre (Zaragoza 1945, 2014) foi un autor de guións para o cine e a televisión, crítico cinematográfico e escritor de terror e suspense. Como narrador publicou arredor de cincuenta novelas, así como varios títulos de literatura adulto-xuvenil, e libros de contos. Tamén participou como coautor en numerosos libros colectivos. Escribiu ensaios e guións para televisión e foi o coordinador xeral da revista «Dirigido por…». Obtivo numerosos premios literarios.

Invitado a una vila renacentista por unha amiga italiana que solicita a súa axuda, Alfredo vese mergullado nun mundo de pesadelo: a lenda referida a unha monstrosa criatura que vive nas entrañas da cripta familiar rexurdiu da noite dos tempos. A fermosa paisaxe da Toscana servirá como fondo para esta fascinante novela de terror, na que a figura maldita do necrofor adquire tanta forza como a do ghoul ou a do vampiro.

PREGUNTA: QUE POÑÍA A NOTA QUE LLE DEIXOU O PROTAGONISTA A ISABELLA?

VEN BUSCALO Á BIBLIOTECA !

EL MISTERIO DE LA CRIPTA EMBRUJADA de Eduardo Mendoza

cripta

Eduardo Mendoza (Barcelona, 1943), tras graduarse en Dereito (1966), exerceu como pasante, asesor xurídico e tradutor na sede das Nacións Unidas, en Nova York, entre 1973 e 1982. A súa obra literaria, está xeralmente ambientada na súa Barcelona natal. Gústanlle os personaxes marxinais que miran a sociedade con extrañeza mentras loitan por sobrevivir permanecendo fóra dela. Aínda que o seu principal xénero literario é a novela, Mendoza escribiu ao longo da súa traxectoria profesional ensaios ,e máis recentemente relatos. Recibiu en 2010 o Premio Planeta pola súa novela Riña de gatos. Madrid 1936[ ]e en 2016 o Premio Cervantes.

Eduardo Mendoza tivo un gran éxito coa súa primera obra, La verdad sobre el caso Savolta (1975), coa que logrou o Premio de la Crítica. Entón enfrontábase á difícil tarefa de escribir unha segunda obra. Marchou a Nova York, abandonando aquela España “triste, amarga y violenta”, e en palabras do autor, “escribí divirtiéndome como nunca lo había hecho”.

En El misterio de la cripta embrujada, o comisario Flores é un inspector da Brigada de Investigación Criminal. Diante do caso da desaparición dunha nena dun colexio internado das madres lazaristas, o inspector decide buscar axuda nun antigo criminal depravado que está interno nun manicomio. Así chegan a un trato entre o interno e o comisario: se axuda a resolver o caso, gañará a liberdade.

PREGUNTA: HABÍA REALMENTE UNHA MOSCA XIGANTE NA CRIPTA?

VEN BUSCALO Á BIBLIOTECA !

UN DENTE SEN CADAVER de Miguel Anxo Fernández

dente

Miguel Anxo Fernández (Carballiño, 1955), é licenciado en Xeografía e Historia, na rama de Historia da Arte, Xeografía e Historia de Galicia; Diploma de Estudos Avanzados en Historia da Arte e da Música, Comunicación e Xornalismo pola Universidade de Santiago de Compostela. Actualmente é profesor de Comunicación Audiovisual na Facultade de Ciencias Sociais e da Comunicación de Pontevedra .

            Ademais de dedicarse á docencia é autor de numerosas obras de historia do cine galego e de obras de ficción, así como ensaios e colaboracións en numerosas publicacións, exercendo de crítico de cine e televisión en La Voz de Galicia. Colaborador do espazo Diario cultural da Radio Galega.

            Na sexta entrega da serie,  nunha imprevista viaxe a Galicia para recoller unha herdanza, o detective Frank Soutelo, coa axuda da investigadora Dalia Maxino, enfróntase inesperadamente a un enigma: a aparición dun dente humano sen dono e de orixe descoñecida. Ambos os  dous asuntos  -familiares e forenses- han acabar confluíndo nun complexo caso. Novamente, coa axuda do sarxento da municipal Franeiras, o sempre indignado ex-garda civil Poncio e a forzada colaboración do estricado funerario Sugar Jones, Soutelo descubrirá tamén un doloroso pasado vinculado ao seu pai. 

PREGUNTA: POR QUE DALIA SOSPEITA QUE LLE PASOU ALGO A FRANK?

                        VEN BUSCALO Á BIBLIOTECA

TONECHO DE REBORDECHAO de Breogán Riveiro

tonecho

Breogán Riveiro (Montevideo1967), estuda Náutica, carreira que abandona para dedicarse ao audiovisual desde o 1988. Na actualidade é realizador e guionista, dedicándose en especial aos documentais. Como escritor acadou diversos premios polas súa obra.

            En 2004 foi gañador do Premio Raíña Lupa de literatura infantil e xuvenil, convocado pola Deputación Provincial da Coruña con Tonecho de Rebordechao. As aventuras dun neno: Tonecho, o único pequeno da súa aldea. Rebordechao é unha aldea que queda alá por…chegando a… O certo é que non é doado atopar Rebordechao, nen sequera aínda que a busques. Neste lugar perdido vive Tonecho, o neno máis bo e máis guapo, o mellor de todos, porque en Rebordechao… non quedan máis nenos ca el.

PREGUNTA: POR QUE TONECHO ACABOU NO HOSPITAL?

                        VEN BUSCALO Á BIBLIOTECA