SENLLEIRAS de Antía Yáñez

Antía Yáñez (Burela, 1991) é enxeñeira de Camiños, aínda que nunca exerceu a profesión. Entre os premios outorgados á súa obra atópanse o Certame de Microrrelatos “Lonxa Literaria” 2013, de Moaña, o Premio de Relatos Curtos “Os Viadutos” 2014, de Redondela, e o Certame Literario de Poesía e Narración Breve de Cambre (2016). Actualmente compaxina a escrita coa xestión dunha academia en Cecebre (Cambre), onde imparte obradoiros de escritura para rapazas e rapaces.

Premio de narrativa Illa Nova 2018 A novela das mulleres que rachan co silencio.Unha influencer sobe unha foto ás redes sociais onde aparece unha man fantasma. Xusto unha semana máis tarde, a moza é atopada morta. A partir deste fío técense as vidas de varias mulleres de diferentes séculos. Mulleres que tiveron que vivir as súas vidas supeditadas ás dos seus homes, baixo as estritas normas non escritas (ou si) que as sinalaban como inferiores. Mulleres que, cando intentaron recuperar o único que lles pertencía por dereito, a súa vida, viron como ata esta lles podía ser arrebatada.Tempos que semellan totalmente diferentes, pero que non o son tanto. Mulleres senlleiras que merecen ser lembradas.

PREGUNTA:CAL É O PIN DO TELÉFONO DE ALDA E POR QUE O ESCOLLEU?

VEN BUSCALO Á BIBLIOTECA !

RAPAZAS de Agustín Fernández Paz

Agustín Fernández Paz (Vilalba, 1947 – Vigo, 2016) é unha das figuras máis destacadas da literatura galega contemporánea. Profesor e escritor, deuse a coñecer en 1989 co libro de contos “A cidade dos desexos”, o primeiro na colección Merlín de literatura infantil, da que foi fundador e codirector. A maior parte da súa obra está traducida a todas as linguas ibéricas e algunhas delas en coreano, árabe, francés, chinés, búlgaro, bretón, italiano e inglés. Entre outros recoñecementos á súa traxectoria, recibiu o Premio Irmandade do Libro (2003); o Premio Xosé María Álvarez Blázquez (2008), a Letra E da AELG (2009); e en 2011 recibiu o Premio Iberoamericano SM de Literatura Infantil e Xuvenil. 

Que estraña misión trae un extraterrestre deica o noso planeta? Que sucede cando se mantén unha estarrecedora relación cun fantasma? Que segredo garda unha misteriosa pedra atopada na area dunha praia? Estas son algunhas das preguntas que fixeron nacer os relatos deste libro de Agustín Fernández Paz. Rapazas, un dos clásicos da nosa literatura para adolescentes, recolle seis historias moi diversas, pero cun fío común: todas elas teñen unha rapaza como protagonista.

PREGUNTA:ONDE ESTÁ O PISO NO QUE VIVE ANA?

VEN BUSCALO Á BIBLIOTECA !

GUÁNTANAMO KID de Jérôme Tubiana e Alexandre Franc

Mohammed El-Gorani ten apenas 14 anos cando deixa o seu país natal,
Arabia Saudita, coa intención de estudar inglés en Paquistán, para o que se ve
forzado a falsificar o seu pasaporte. Pouco despois dos atentados do 11- S, é
arrestado e transferido á base militar americana de Guantánamo Bay, en Cuba.
Será un dos prisioneiros máis novos nesta nova penitenciaría á marxe de todo
marco legal, e unha das poucas persoas negras alí retidas. Pasarán oito longos anos
antes de que a súa inocencia sexa finalmente recoñecida.
O xornalista Jérôme Tubiana nárranos en Guantánamo Kid a arrepiante
historia do seu amigo Mohammed, unha persoa inocente que entrou como menor de
idade no cárcere máis tristemente coñecido do mundo e saíu como un adulto
marcado para sempre. Un relato fundamental para comprender e coñecer o
acontecido nun centro de detención que, aínda a día de hoxe, permanece aberto.
PREGUNTA: CANTAS VECES CASOU MOHAMMED EL-GORANI?
VEN BUSCALO Á BIBLIOTECA !

SOLOS de Gazzotti/Vehlman

Un novo día empeza como cada mañá en Fortville, pero… nada é
coma antes. Os que espertaron esta mañá deambulan por unha cidade
deserta até descubrir que só quedan cinco deles. Cinco nenos: Dodji, Leila,
Celia, Iván e Terry. Que puido pasar ? Onde están os seus pais e os seus
amigos ? Abandonados á súa sorte, desamparados e sen idea de que facer
nunha cidade onte familiar, hoxe hostil. Parece que a tormenta agarda nesta
mañá de verán e descubrirán pronto que a cidade lles reserva desagradables
sorpresas. Os nosos protagonistas uniranse para enfrontar os numerosos e
perigosos obstáculos que xurdirán na súa procura dunha explicación do
ocorrido. Xuntos! O primeiro volume de Solos ofrece tres episodios e
presenta o principio dunha serie que reunirá thriller, misterio e aventuras.
Traducida a media ducia de idiomas e vendida a máis dun millón de
exemplares só en Francia, esta serie conta con 8 episodios publicados en
Francia, o seu país de orixe. Premio do cómic 9-12 anos do Festival de
Angoulême en 2007 e 2010. Dúas veces Gran Premio do Journal de Mickey,
Premio Diagonale 2013 á Mellor serie.


PREGUNTA : QUE CASTIGO LLE PUXO SAÚL A DODGI POR TER UNHA ARMA ?
VEN BUSCALO Á BIBLIOTECA !

MARXINADOS de Pepe Carballude

Pepe Carballude é catedrático de Latín no Instituto de Ensino Secundario ” Xosé Neira Vilas ” de Perillo-Oleiros, A Coruña. Compaxina o exercicio da investigación e tradución coa creación no ámbito da literatura infantil e xuvenil. Convén citar: O xílgaro pintor (1987); Investigación 091 (2007); O talismán dos druídas (1989); Andainas de Pedro Chosco (1989); Os enredos de Olalla (1990); O deus desaparecido (1991), premio Barco de Vapor, escrita en colaboración con Andrés García Vilariño; A fraga misteriosa (1992); S.O.S. (1994); Romaxe de desventuras; ¡Maldito D.N.I.! (1998); Mimos e máis mimos (1999); Andrea quere ser maior (1999); Paisaxe con fondo gris (2001).

Marxinados (2014) é unha historia de persoas que viven, dalgunha maneira, fóra do mundo. Pero que tamén queren cambialo. Fálanos dunha estrela do baloncesto que un día decide rematar a súa carreira e ir traballar como educador ao internado onde tamén el foi criado. Está alí para botar unha man a nenos e nenas que, coma el, foron excluídos por unha realidade que os puxo fóra: pais e nais atrapados na miseria, nas drogas, nos problemas duros do lado máis feo do mundo. Pero tamén está alí chamado por unha historia de amor. Unha novela para pensar nas persoas que non poden facer nada por cambiar as cousas. Pero tamén unha novela para pensar nas persoas que as cambian, para mellor, todos os días.

PREGUNTA:EN QUE POSTO QUEDA ROMÁN NA FASE INTERNACIONAL DA OLIMPIADA DE FÍSICA?

VEN BUSCALO Á BIBLIOTECA !

CORAZÓN DE CHOCOLATE de Jaureguizar

Jaureguizar naceu en Bilbao en 1965. Veu para Galiza coa súa familia sendo un neno e considérase medio vasco medio galego. En 1993 comezou a traballar de xornalista no diario lugués El Progreso, profesión que segue exercendo. Como narrador ten publicados os seguintes libros: “Fridon spik” (1995), “Comendo espaguetis diante da televisión” (1998), “As horas sucias” (2001), “Breve crónica universal da clase obreira” (2001), Premio Lueiro Rey 2001, “Casa Skylab” (Premio Xerais 2003), “Cabaret Voltaire” (Premio Manuel García Barros 2005), “O Globo de Shakespeare” (Premio Terra de Melide, 2008) e “Placebo” (2016). É autor, ademais, de numerosas novelas xuvenís entre as que destaca a serie de novelas protagonizada polo mozo detective Tintimán: “Corazón de chocolate. Un misterio para Tintimán en Compostela” (2010), “A coroa de napoleón. Un misterio para Tintimán na Coruña”, “Amor de Serea. Un misterio para Tintimán en Vigo” (2012), etc

Tintimán, un rapaz de dezaseis anos arrichado e algo insolente, herdou do seu pai a paixón por investigar misterios, o amor pola aventura e un axitado traballo de xornalista. En Corazón de chocolate, a cidade de Santiago de Compostela é un escenario emocionante e arriscado para o primeiro misterio que ten que descubrir. O reporteiro investigará se realmente existe a Irmandade Xelmírez, unha seita perversa, ou se só é unha lenda. Señor Grozni, un gato cun parche nun ollo, e Mónica, unha amiga que asegura ser a súa moza, achegaranlle a axuda precisa para que Tintimán descubra a verdade.

PREGUNTA: QUEN CAZABA OS GATOS?

VEN BUSCALO Á BIBLIOTECA !

LA PROFECÍA DEL ABAD NEGRO de José María Latorre

José María Latorre (1945-2014), ademais do seu labor á fronte das revistas Dirigido por e Imágenes de Actualidad, tamén exerceu como crítico de cinema noutras publicacións como Film Ideal, Nosferatu, ABCD, Diario 16 ou La Vanguardia. Conta no seu haber con máis dunha trintena de libros. Na súa bibliografía hai narrativa xuvenil, novela e relatos de terror e tamén ensaio cinematográfico. Dese xeito, combinou as súas dúas afeccións. O seu último libro é “La maldición de la banshee” (2013). Tamén exerceu puntualmente de guionista en títulos como “Denver” de Carlos Balagué (1985) e “Barcelona, lament” de Luis Aller (1990).

Ada Boyle acepta un traballo como profesora de literatura nun colexio próximo a unha antiga abadía. Desta cóntanse escuras lendas, como que aínda habita nas súas abandonadas torres un Abade que se dedicaba a practicar ritos demoníacos para transformarse en vampiro. Ada e dous dos seus alumnos intentarán facerlle fronte, pois as súas vidas corren perigo. Historia con todos os elementos propios da novela gótica: lenda, profecía, presenza de forzas malignas, ritos satánicos, paisaxes brumosos, cemiterios abandonados…

PREGUNTA:QUE MODELO DE COCHE TEÑEN CAMILLE E GEOFFREY NO GARAXE?

VEN BUSCALO Á BIBLIOTECA !

O PINTOR DO SOMBREIRO DE MALVAS de Marcos Calveiro

Marcos Calveiro (1968, Vilagarcía de Arousa) reside en Vigo onde traballa como avogado. Deuse a coñecer no eido da literatura infantil e xuvenil no que acadou numerosos galardóns. Tamén escribiu poesía e en 2008 publicou a súa primeira novela dirixida a un público adulto, Festina lente. Coa obra O pintor do sombreiro de malvas recibiu o Premio Lazarillo de Literatura Xuvenil 2009.

Un adolescente é enviado pola súa nai a pasar unha tempada cunha tía na vila de Auvers. Transcorre o verán de 1980 e o rapaz vai coincidir co pintor Van Gogh durante dous meses. Entrambos xorde unha relación que os fai inseparables. O mozo convértese no guía do artista e xuntos percorren a contorna e comparten as súas angurias persoais. Marcos Calveiro reproduce con grande mestría os acontecementos, os ambientes e os personaxes a través dunhas descricións magníficas polo seu detalle coma se estivese a pintar un cadro.

PREGUNTA: QUEN FOI O MÉDICO QUE LLE CORTOU A PERNA A PIERRE DURANTE A GUERRA?

VEN BUSCALO Á BIBLIOTECA !

EL TALISMÁN DEL ADRIÁTICO de Joan Manuel Gisbert

talisman

Joan Manuel Gisbert (Barcelona, 1949) é escritor de literatura infantil e xuvenil. As súas obras foron traducidas a vinte linguas e obtivo os premios máis importantes do eido nacional. Traballou como asesor no mundo editorial. Na actualidade imparte cursos sobre a imaxinación fantástica e participa en encontros de literatura infantil e xuvenil con lectores en bibliotecas, centros educativos e ateneos culturais de diversos países.

Croacia, 1498. Un xinete embozado chega no medio da noite a un convento benedictino. Di actuar no nome do conde Váltor e pide que un dos novicios leve unha carreta ata unha abadía situada ao outro extremo do condado. Matías é o elixido, e o rapaz, desexoso de vivir aventuras, acepta a encarga. Pero que será esa misteriosa mercancía que debe transportar sen facer ningunha pregunta?

PREGUNTA: POR QUE MATÍAS NON CONSEGUE AFOGAR NO LAGO?

                              VEN BUSCALO Á BIBLIOTECA!

MI HERMANA VIVE SOBRE LA REPISA DE LA CHIMENEA de Annabel Pitcher

chimenea

Annabel Pitcher (Yorkshire, 1982) é licenciada en Filoloxía inglesa pola universidade de Oxford. Coa súa primeira novela, Mi hermana vive sobre la repisa de la chimenea, sorpréndenos cunha historia impactante narrada por Jamie, un neno de 10 anos:

Rose me ha comprado un libro. Como siempre, su regalo estaba junto a la urna cuando entré en el salón. Me dieron unas ganas tremendas de echarme a reír al verlo ahí, y me imaginé que a la urna le salían brazos y piernas y cabeza y se iba a la tienda a comprar el regalo. Pero como papá me estaba mirando con su mirada seria rompí el papel y traté de que no se me notara la decepción al darme cuenta de que ya lo había leído.

PREGUNTA: QUE PODERES LLES ATRIBÚE SUNYA AOS ANEIS?

                      VEN BUSCALO Á BIBLIOTECA!